Aktuell:

Und scho si mir i dä Vorbereitige für d Hauesaison...

Wichtrach Barfestival hei mir Tickets zum Vorzugspriis vo 18.-, wär eis möcht darf sech gärn mäude!

Und glichzitig starte mir ou grad mit Huttwil Osterparty. 

Sisch sicher für jedä öpis drbi!

Und itz ganz beändet mit Konfetti und Guggekläng.

Härzleche Dank a aui wo zu däre Bärner Fasnacht bitreit hei, wo üs si cho bsueche und mit üs e schöni, bunti, geniali und luschtegi Zit vürbracht hei.

Bis nächschts Jahr:-D

Ungloublech Fasnachte si scho ume düre.

Äs rise MERCI a Gringerat vor Thunerfasnacht. Dir sit grandios!

und äs het ungloublech gfägt mit öich di 4 Täg ds Fiire!

Das geit natürlech ou a üser Gescht, aues geili Sieche!!!

Nächscht Wuche starte mir wider....

Thuner Fasnacht vom Donnsti 25.01.2024 bis Sunnti 28.01.2024

üs fingsch im Bälliz vor em Swisscom Shop.

Mir fröie üs uf cooli Guggemusig, Fasnachts tribe und aui Vürchleidete und unkostümierte;-D

Sprachlos vom letschtä Alass;-D Dir sit aues die geilschtä Lüt!

Danke viu mau für öie Support!

Wärs nid vürsteit, luegt mau id Fötelis;-)

Hüt no dr letscht Alass.

Ab 11.00 - 15.00 finget dir üs uf em Badiparkplatz in Lützelflüh.

Gwohnts Flüssigs und aber ou öppis zum Ässe finget dir bi üs.

Zum 9te mau dörfe mir mit öich Vorglühe und no einisch chiubi ha.

Chum mit oder ohni Böimli, nimm gueti Lune und liebi Fründe, Bekannti oder Familie mit und stoss no einisch mit üs a.

Mir fröie üs uf öich aui!!!!

Für aui die wos nid schaffe: Merci viu mau heit dir üs dür ds 2023 begleitet. Äs isch soooo cool gsy.

Aune e guete Rutsch ids 2024 und see you next Year.

Im warme in Huttwil starte mir dä Samsti ar Silvester warm up Party.

Campus Perspektive.

1Liter Bächer und lecker Sex on the Beach....

Und witer geits das Weekend in Interlaken im Wiehnachtsdörfli im Kursaalpark (Strandbadstrasse 44, 3800 Interlaken).

Hie fröie mir üs uf üser feine wiehnächtleche, warme Drinks und Shots;-D

Härzleche Dank aune Fründe, Bekannte und Gescht wo üs bi däm eher unkonfortable Wätter in Worb si cho bsüechle! Dir sit grandios! Merci viu mau!!!

Und ab i Wintermodus! Dä Samsti und Sunnti fingsch üs am Worber Wiehnachtsmärit ar Houptstrasse 23.

Dr erscht Glüehwy wo die Saison über Theke geit... Mir fröie üs

Punsch und Hot-Aperol, 3 heissi Shötli und no viu meh...

Chum üs cho bsueche mir erwarte Di!

Dä Samsti am 16.09.2023 si mir uf em Raiffeisenparkplatz vom 10.00 - 19.00 Uhr für öich da. No äs letschts mau mit em Summer- Sortimänt auso wär no e Caipi oder ä Mojito bi üs möcht gniesse, du hesch dr ganz Samsti no d Chance drzue! Mir fröie üs uf aui wo chöme cho hoi säge.

Thunfest im Ougste, Rüeggisberg afangs Septämber und ds Töffliträffe in Münchenbuchsee... Aui Fest si wider sehr cool gsy! Merci aune Gescht, üsem Team und vorauem denä wo immer aues organisiere. Dir sit aui grossartig!!!

Witer geits das Weekend mit em 

7. Oldtimer Treffen in Hettiswil

Barbetrieb am Samsti gäge Abe

Mir si gspannt und fröie üs uf öich!!

Trucker & Country Festival

Wi hei mir trotz Jahre langer Erfahrig biberet, ob mir das i gwohnter Manier hare bechöme....

Nöie Standplatz, Bar ir Grössi wi früecher in Nidau, mit paarne nöie Lüt und und und....

Mir hei no chli vürbesserigs Poitenzial gfunge aber mir heis grocket und si so glücklech drüber!

A derä Steu möchte mir üs rächt härzlech bim Vürastauter bedanke, wo üs die Chance gäh het und a üs gloubt het. Merci für aues!!!!

Bedanke möchte mir üs ou widerum bi:

- üsem Team

- JWE mit aune Chrampfer u Büetzer, Getränke logistik,          denä wo d Fäde i dr Hang hei und aues manage und die   wo mir gar nie gseh.

- Cup & More

- ä bsungere Dank geit a üser       DJ's :

  Börren, Selä und Speedy

- M&M Eventtechnik

Und üsnä Gescht Danke viu mau!!!!

Phu... was für ne Juni....

Greenfield isch abgange....Party Hard mit dä coolstä Grenfield Gescht wo du Dir chasch vorsteuä! We Love it!!!!!

Vespa Days si ou sehr geniau gsy... International si mir mit üsnä Sprachkenntniss usegvorderet gsy.aber ou e geniali Stimmig und realaxti Gescht!

Danke aune wo mir troffe hei und natürlech üsem Team wo das wider gmeischteret het! 

Morn steuä mir scho fürs Greenfield.... Mir si ready! Du ou?

Mir fröie üs scho itz uf aui.... Bekannti, Unbekannti, coole und chranke;-)

Lets Rock this Party @ Greenfield

Nidau Sedtlifescht 2023, Wuhu....

Auti Bekannti und wider nöii hets gäh! sisch eifach nur cool gsy. E gmüetlechi Party hei mir gha... härzleche Dank aune Gescht...dir sit huere geil!

Und es riise merci a üses Team... Dir heits ume grocket!

Bis nächschts Jahr Nidau.

Witer geits am erstä dusse Fescht, am Stedtlifest in Nidau.

Üse Standplatz isch vor em Schlossmuseum ar Houptstrasse 6 in Nidau.

Chömit vürbi, äs git zum erstä mau üser feine Caipis und Mijitos:-p

Wichtrach, Huttwil, Zuchwil und MEGA Thal si geniau gsi! und scho bau lang wider Gschicht! Aune Gescht und VolxRox und aunä Vürastauter äs härzlechs Merci viu mau. Schön hei mir e Teu vom Ganze dörfe si!

Mir starte scho ids 2te Weekend in Wichtrach, dert hätte mir no Tickets für Fr. 16.- statt 22.- , eifach bi üs mäude.

När geit ou scho dOsterparty in Huttwil los, mir si i dä Startlöcher.

Egau wo, mir fröie üs mit öich cooli Partyne dsha.

Fasnachtszit vou im Gang....

und scho fasch wider düre!

DAS WEEKEND SI MIR UME AR BÄRENER FASNACHT. 

Wider dr gwohnt Standplatz Kramgasse 72.

Mir fröie üs uf Öich

Wow... was für ne Dezämber isch de das?

Zersch ä wahnsinns Wiehnachtzsmärit in Worb.

När ä cooli nöi Erfahrig in Grenchen.

När hei mir üsne langjährige Wäggfährte dörfe bi Ihrer Pool-Party im Forum Sumiswald häufe. Kulturschock nach 2ne Wiehnachtsmärite:-) Aber ou sehr cool gsy!

Itz si mir scho ume a dä Vorbereitige fürs Tannenboum-Zielwärfe am 31.12.2022 in Lützelflüh.

Aber zersch wünsche mir aune e wundervolli Wiehnachte. Gniesset aues wos ds gniesse git und häbet enang lieb!!!

Fröhlechi Wiehnachte.

Soo.. di grossi Hebst-Pouse isch düre, itz geits im Dezämber no mau so richtig los....

4. Fest erwarte DI no;-))

Ab morn si mir am Worber Wiehnachtsmärit mit üsem heisse Sortimänt.

3. + 4. 12. 2022 jewile ab 10.00 Uhr.

ab em

9.Dezämber bis 11.12.022 si mir in Grenchen (SO) am Weihnachtsmarkt und am 

16. + 17.12.2022 im Forum Sumiswald ar Poolparty vor La Onda - Beach Bar.

Zu guter Letzt:

31.12.2022 ds Lützelflüh uf em Badiparkplatz bim Tannenbäumli-Zielwurf... dert gits ä würdige Abschluss vo däm coole Jahr;-D

Mir fröie üs uf Di! 

Itz hei mir e lengeri Herbstpouse aus ursprünglech planet.

Leider hei M&M nüm di ganzi Haue im Dicki dahär chöi mir nid teil näh.

drfür fröie mir üs uf üsi Wintersaison.

- Worber Wiehnachtsmärit

- Grenchner Wiehnachtsmarkt

- Tannebäumli Zielwurf Lützelflüh

bis gli wes wider heisst Glühwein und Co......

Mir fröie üs ufs Töffliträff BUCHSI.

am 3.9.22 isch es sowit. Üs fingsch de uf em Hof. 

Schüpbergstrasse 38, 3053 Diemerswil.

AB 16.00 si mir parat. :-D

Vorbereitige für St.Gallen loufe scho ume.....

Üs fingsch ir Gallusstrasse.

Waaas.... scho isch dr Summer fasch düre.

Greenfield: Meeeeeeega au di Lüt wo mir hei dörfe kennä lehrä sisch dr Hammer gsy! Aut bekannti troffe und fründschafte pflegt:-D

Trucker & Country Festival Interlaken isch ume so cool gsy.

Ou hie, so viu cooli Lüt gseh und kennä glehrt.

Mir chöi üs eifach nur bi aune Bedanke!

Gescht, Organisatore, Nachbare, Fans, dr Bescht DJ vor Ort und natürlech wider Üses Dream-Team ob Urgestei oder Nöiling aui heis grocket und äs isch dank öich aune zu däm worde wos isch gsy! ume Äs unvürgässlechs Fescht meh!

När hei mir Ferie gah.....

Und ds Thunfescht letschts Weekend het dr Ougste gstartet!

ou dert bedanke mir üs ganz härzlech bi aune...

#mägsehtsech #gibliebi #mäfröitsech......

U mir fröie üs bi aune Fescht scho ume uf nächschts Jahr!!!!!

U itz si mir i dä Startlöcher für morn am Greenfield ga uf ds Steuä....

das wird Rocke....

Wär üs suecht, mir si diräkt hinger em Info Stand bim Houptigang zum Konzärtgländ.

Mir fröie üs uf Di, u Di, u Di......

Scho wider viu Zit düre...

Osterparty Huttwil, Intergame Festival Langnau....

Und sogar ds erschtä UsseFescht Nidau Stedtlifescht,

So Cool ischs gsy und mir hei so spass ds aues wider so ring geit!!!!

Tag der Offenen Tore im Schloss Trachselwald isch ou geniau gsy.

Mir bedanke üs bi aune Vürastauter u fröie üs scho uf nächschts Jahr!

I dä Startlöcher für Wichtrach Bar Festival.

Mir hei öich Tickets für 16.- statt 20.- wo a jedäm Abe gültig si.

Mailet üs doch churz dass mir öich die Tickets chö la zuecho.

u de nähme mir Eis und heis luschtig und e cooli Zyt....

Wär isch drbi?

Haha.. fasch wi früecher....

So cool ischs gsy! Danke aune Gescht, Fründe, Kollegä, Guggene... u eifach aune wo si drbi gsy! Merciiiiii

Mir si drbi 

Nöie Standort: Kramgasse 5-7

auso chli witer unger.

Chömit vürbi mir fröie üs uf öich!!!!!

Äs Würschtli oder ä Chäsbrägu....

Ä feine Glüehwy oder Punsch, äs Bierli oder ä Shot....

Tee und Kaffee oder ou e Caprisonne...

Äs het für aui öpis drbi.

No einisch gmüetlech zämesi und ds Jahr la uskinge....

MIR FRÖIE ÜS!!!

U wäms morn nid längt merci für das Jahr, sisch gliich irgendwie cool gsy, ömu das wo mir hei dörfe erläbe.

Cooli nöii Lüt, nöi Orte und mega viune schöne Erläbnis.

MERCI ÖICH AUNE.

Ds Team vor Hot-Shots-Bar